"ശേഷിപ്പുകള്..!!..സന്തോഷവും സന്താപവുമെന്ന ആദ്യ വികാരങ്ങളുടെ ശേഷിപ്പ്.. സ്നേഹവും,വെറുപ്പും,പ്രണയവും,നിരാശയും പ്രതീക്ഷകളുമെല്ലാം ഇടതൂര്ന്നു വളര്ന്ന,വളരുന്ന എന്റെ കുഞ്ഞു തലച്ചോറിന്റ്റെ ഞാന് കാണാത്തയിടങ്ങളിലെ ശേഷിപ്പ്.. എന്നോ എവിടെയോ ഞാന് കീറിയെറിഞ്ഞ എന്റ്റെ നൈമിഷിക വികാരങ്ങളുടെ ശേഷിപ്പ്.. പിന്നെ..പിന്നെയെന്റ്റെ സ്വാര്ത്ഥതയും, അബോധവും,ഭ്രാന്തും അങ്ങനെയെന്തിന്റെയെല്ലാമോ ശേഷിപ്പ്.. ആര്ത്തി പെരുത്തയെന്റെ തലച്ചോറിന്റെ മുറുമുറുപ്പുകളുടെ ശേഷിപ്പ്.."
പോസ്റ്റിലെ ചിത്രങ്ങള്ക്ക് കടപ്പാട്:- ഗൂഗിള്
Thursday, November 11, 2010
നീലക്കുറിഞ്ഞി പൂവിടുന്നതും കാത്ത്..
അറിയാതെയറിയാതെയിണ ചേരും-
മന:സ്സുകള്ക്കകലുവാന് കഴിയാത്തതെന്തേ..
പിന്നെ, പിരിയുവാന് വയ്യാതെ, അടരുവാന്-
കഴിയാതെ, വിതുമ്പുവാന് പോകുന്നതെന്തേ..
പിന്നെയും പുണരുവാനായുന്നതെന്തേ..
പറയുമോയെന് പ്രിയ ഹിന്ദോള രാഗമേ..
പകരുമോയെനിക്കായൊരു സാന്ത്വന ഗീതം..
മീവല് ശകുന്തമേയിന്നു നിന് പാട്ടില്-
ഞാനറിയുന്നു നിന് മനോ നൊമ്പരങ്ങള്..
ഇടറുമാ ഗാനത്തിലിപ്പോഴുമണയാതെ-
യുയരുന്നുവെല്ലോ നിന് ഇണ പോയ നൊമ്പരം..
മറന്നിടൂ പതംഗമേ..തളരാതെയിന്നു-
നീ യിടറാതെ പാടൂ നാളെയെപ്പറ്റി..
അറിഞ്ഞതേയില്ല നീലക്കുറിഞ്ഞീ-
നീയിത്രയും സുന്ദരിയായിരുന്നെന്നു-
ഞാനിത്ര നാള്..
പന്ത്രണ്ടു വത്സരം കാത്തിരുന്നാലു-
മിനി നീ പൂവിടാതെ ഞാന് മടങ്ങുകില്ല..
നിന് നീല വര്ണ്ണം മിഴികളില്-
നിറഞ്ഞതില് പിന്നെയെനിയ്ക്കെല്ലാം-
നിന് വണ്ണ ദര്ശനം മാത്രമായ്..
ഇന്നീ മന:സ്സുകളൊന്നായ് മോഹങ്ങള്-
മെനയുമ്പോളടര്ത്തി മാറ്റുവാന് ശ്രമിക്കില്ല-
ഞാന് മന:പൂര്വ്വമായ്..
ഇനി തപം ചെയ്തിടാം പന്ത്രണ്ടു-
വര്ഷമീ..കാത്തിരിപ്പെന്ന-
വാത്മീകാന്തരേ...
Subscribe to:
Post Comments (Atom)
അടരുവാന് വയ്യ നിന് ഹൃദയത്തില് നിന്നെനിക്കേതു സ്വര്ഗ്ഗം വിളിച്ചാലും.....
ReplyDeleteപന്ത്രണ്ടു വര്ഷം.......!
ReplyDeleteകൊള്ളാം ...:)