മറവി
ആളിപ്പടരുന്നൂ-
അഗ്നിയായ്..
ഓര്‍മ്മകള്‍ നുണഞ്ഞു-
വിശപ്പടക്കുന്നു.
കാലം
നിശബ്ദനാം കര്‍മ്മസാക്ഷിയായ്-
ദിനങ്ങളെ യുഗങ്ങളായ്-
മാറ്റുന്നു.
നാം
അഗ്നിയില്‍ വേകാത്ത-
സ്മരണകള്‍ തിരഞ്ഞ്‌-
വെണ്ണീറില്‍ പേക്കോലമാകുന്നു..
വാക്കുകള്‍
മന:സ്സിനു വേദന-
നല്‍കുന്ന കൂരമ്പുകള്‍..
സ്നേഹം
വിപണിയിലെ വില കുറഞ്ഞ-
വിസ്മയം..
ഭാരവും..
നന്മ
സുഷിരം വീണ-
ഓസോണ്‍ പാളി..
കാമം
ചേതനയില്‍-
ഒരിയ്ക്കലുമടങ്ങാത്ത-
വികാരം..
അഹങ്കാരം
മനുഷ്യസഹജ ഭാവം..
മരണം
വിധിയെ ജയിക്കാന്‍-
അസമയത്തെത്തുന്ന-
അയല്‍ക്കാരന്‍..
(2001 ഫെബ്രുവരി 6 ന് മാതൃഭുമി ദിനപത്രത്തില്‍ പ്രസിദ്ധീകരിച്ചത് )
